høvuðsungdómsvenjari á barnasíðuni

Carl Vej

Nýtt andlit í Stjørnuni er danin, Carl Vej. Carl verður høvuðsungdómsvenjari á barnasíðuni, og hevur høvuðsábyrgdina av U8 og U12 gentum umframt at venja onnur gentulið í Stjørnuni.

Carl kemur til Føroyar eftir Summarfestivalin, og tá byrja fyrireikingarnar av álvara til eitt nýtt og spennandi ár hjá børnunum í felagnum.

Tað var okkara fyrrverandi venjari, Per Klarup, sum hevur givið Carl Vej góð skoðsmál - og ivast vit ikki í at hann verður okkum ein fongur fyri felagið.

Umframt at vera venjari hjá ungdóminum, verður Carl hjálparvenjari á SMS liðnum.